logo
RU

Manşet xəbərləri

Ağdam Muğam Mərkəzi istifadəyə verilib

img




Noyabrın 5-də Azərbaycan Respublikasının Prezidenti İlham Əliyev və birinci xanım Mehriban Əliyeva Heydər Əliyev Fondunun təşəbbüsü ilə inşa olunan Ağdam Muğam Mərkəzinin açılışında iştirak ediblər.
AZƏRTAC xəbər verir ki, dövlətimizin başçısı və birinci xanım Ağdam Muğam Mərkəzinin rəmzi açılışını bildirən lenti kəsdilər.
Qədim və zəngin mədəniyyətimizin vizit kartı muğam, eyni zamanda, xalqımızın malik olduğu milli mədəniyyətin koloriti, hər birimizin mənəvi və ruhi qidasıdır. Bütün azərbaycanlıların həyat hekayətinə çevrilən muğamın təbliğinə son illərdə istər ölkəmizdə, istərsə də onun hüdudlarından kənarda dövlət səviyyəsində yüksək diqqət göstərilir. Muğamın yaşaması, dünyada layiqincə təbliği və gələcək nəsillərə ötürülməsi baxımından son dövrlərdə yaradılan Muğam mərkəzlərinin müstəsna əhəmiyyəti var. Bu məsələdə Heydər Əliyev Fondunun təşəbbüsü ilə Ağdam rayonunda yaradılan Muğam Mərkəzi də böyük rol oynayır. 2008-ci ildə Bakıda və Ağcabədidə, 2010-cu ildə Füzulidə inşa olunan Muğam mərkəzləri ölkəmizdə muğamın inkişafına mühüm töhfələr verib.
Bəşəriyyətin şifahi və mənəvi irsinin incilərindən olan muğamın təbliği və inkişafı istiqamətində dövlətimiz tərəfindən son illərdə görülən sanballı işlərə Azərbaycanın birinci xanımı Mehriban Əliyevanın rəhbərlik etdiyi Heydər Əliyev Fondu da tarixi töhfələr verib. Fondun həyata keçirdiyi layihələrin nəticəsidir ki, 2003-cü ildə UNESCO həm milli, həm də bəşər mədəniyyəti üçün Azərbaycan muğamının bədii dəyərini etiraf etdi. Muğam UNESCO-nun “Bəşəriyyətin şifahi və qeyri-maddi irsinin şah əsərləri” siyahısına salınıb. Ötən illərdə Heydər Əliyev Fondu ilə Azərbaycan Televiziyasının birgə layihəsi əsasında “Muğam televiziya müsabiqələri”nin keçirilməsi bu əvəzsiz sənət nümunəsinin yaşadılması, xalqımızın qədim yaddaşından gələn muğamlarımızın qorunması istiqamətində mühüm hadisələr kimi tarixə düşüb.
Muğam sənətinin ölməzliyini təmin edən dərin məzmun və fəlsəfi məna onun malik olduğu xalqın özəlliyi ilə bağlıdır. Xalqımızın özü qədər qədim olan muğamın yaşadılması və gələcək nəsillərə çatdırılması istiqamətində həyata keçirilən bütün bu layihələr, ilk növbədə, muğam ustadları, bu sənətlə məşğul olan insanlar üçün əsl hədiyyədir. Xalqımızın qədim mədəni irsinin ölməz nümunəsi, Azərbaycan musiqisinin zəngin fəlsəfi təməl üzərində təşəkkül tapmasında əvəzsiz rol oynayan muğam ümumilikdə, bəşər mədəniyyətinin nadir inciləri sırasındadır.
Bildirildi ki, Ağdam Muğam Mərkəzinin inşasına 2016-cı ilin oktyabrında başlanılıb. İnşaat işləri bu ilin sentyabrında başa çatdırılıb. Muğam Mərkəzinin ərazisi 7782 kvadratmetr, tikintialtı sahəsi isə 1800 kvadratmetrdir. İkimərtəbəli bina yüksək zövqlə müasir səviyyədə inşa olunub. Burada qrim, gözləmə, texniki, inzibati, yardımçı və digər otaqlar yaradılıb. Mərkəzdə musiqi alətlərinin təmiri emalatxanası da fəaliyyət göstərəcək. Bu mərkəzin konsert zalı da müasirliyi ilə seçilir. Buradakı 328 yerlik konsert zalında müxtəlif mədəni tədbirlər, o cümlədən muğam gecələri keçirmək üçün hərtərəfli şərait var. Mərkəzdəki sinif otaqlarında muğamın sirlərinə yiyələnmək üçün bütün imkanlar mövcuddur.
Qeyd edildi ki, Ağdam Muğam Mərkəzi konsert müəssisəsi qismində fəaliyyət göstərəcək. Muğam Mərkəzinin Ağdamda yaradılması çox böyük rəmzi məna daşıyır. Çünki Qarabağ muğam məktəbinin qədim və zəngin ənənələri var. Qarabağ torpağı Azərbaycanın ən qədim guşələrindən biri olmaqla şeir, sənət ocağı, istedadlar diyarı kimi dünyaya məşhur ustad xanəndələr bəxş edib. Ayrı-ayrı sənətkarların ifaçılıq üslubunun yaşadılmasında, muğam ənənələrinin, sənətkarlıq sirlərinin nəsillərə ötürülməsində Qarabağ muğam məktəbinin böyük rolu var. Muğam Azərbaycan musiqi mədəniyyətinin şifahi irsinin mühüm qismini təşkil etməklə, xalqımızın mədəniyyətində və tarixində qoyduğu dərin izlə tanınır və sevilir. Bu mədəniyyət şedevrinin tarixi köklərinin Azərbaycanda olması isə ilk növbədə, onun daşıyıcılarının ölkəmizdə mövcudluğu ilə bağlıdır. Odur ki, muğam hər bir soydaşımızın ana dilidir. Muğamı sevmək, ona bağlanmaq hər birimiz üçün son dərəcə təbii və doğmadır.
Ağdam Muğam Mərkəzinin yerləşdiyi ərazi abadlaşdırılıb, 0,6 hektar sahədə istirahət parkı yaradılıb, yaşıllıq zolağı salınıb, gül kolları əkilib, işıqlandırma sistemi quraşdırılıb.
Muğam Mərkəzi ilə tanışlıqdan sonra Prezident İlham Əliyev və birinci xanım Mehriban Əliyeva rayon ictimaiyyətinin nümayəndələri və Ağdam rayonundan olan incəsənət xadimləri ilə görüşdülər.
Dövlətimizin başçısı görüşdə çıxış etdi.
Xalq artistləri Arif Babayev, Mənsum İbrahimov, Aygün Bayramova, Azərbaycanın birinci xanımı Mehriban Əliyeva və Xalq artisti, tarzən Ramiz Quliyev görüşdə çıxış etdilər.
Sonda xatirə şəkli çəkdirildi.

"Legion"










Xəbər lenti

img Manşet xəbərləri
Azərbaycanın igid döyüşçüsünə medal təqdim edilib

2019-04-20 / 19:21:10
img Video xəbərlər
Elmə məlum olmayan məxluq tapılıb - VİDEO

2019-04-20 / 17:43:53
img Günün xəbərləri
Nizami Cəfərov: “Bəzi sözlərin yazılış qaydası ilə bağlı mübahisələr var”

2019-04-20 / 17:38:14
img Manşet xəbərləri
Azərbaycan dilinin yeni orfoqrafiya normalarında alınma sözlərin yazılış qaydası müəyyənləşib

2019-04-20 / 17:33:23
img Ölkə
Bəzi yerlərdə yağış, dağlıq ərazilərdə qar yağacaq - SABAHIN HAVASI

2019-04-20 / 17:32:14
img Hadisə
Lənkəran sakini 7 növ fərqli meyvəni bir ağacda yetişdirib - VİDEO

2019-04-20 / 17:30:49
img Manşet xəbərləri
Əli Əhmədov: "Prezident üçün ən vacib məsələ odur ki..."

2019-04-20 / 17:29:05
img Hadisə
Bakıda dayısının himayəsində qalan 11 yaşlı qız evdən qaçıb

2019-04-20 / 17:27:22
img Manşet xəbərləri
Daha bir vəzifəli şəxs barəsində cinayət işi başlandı

2019-04-20 / 14:36:53
img Günün xəbərləri
Yüksək dövlət vəzifələrinin yazılış qaydaları müəyyənləşib

2019-04-20 / 14:32:39
img Günün xəbərləri
Ordubadda qarın hündürlüyü 15 sm-ə çatıb

2019-04-20 / 14:31:18
img Ölkə
Baş nazirdən elektrik enerjisi ilə bağlı qərara dəyişiklik

2019-04-20 / 11:32:58
img Dünya
Trampın reytinqində rekord azalma

2019-04-20 / 11:27:10
img Sosial
Bərdə doğuş evində daha bir körpə öldü

2019-04-20 / 11:25:35
img Cəmiyyət
Bəzi geyimlər sağalmaz xəstəliklər yaradır - VİDEO

2019-04-20 / 11:23:22
img Ölkə
Azərbaycanın müxtəlif bölgələrinə qar yağdı

2019-04-20 / 11:17:58
img Hadisə
Brent markalı neft ucuzlaşıb

2019-04-20 / 11:09:53
img Cəmiyyət
Hindistanlı kişi barmağını kəsib atdı - Qəribə siyasi səbəb - VİDEO

2019-04-20 / 11:08:46
img Dünya
Poroşenko ilə Zelenskinin debatı baş tutdu – VİDEO

2019-04-20 / 11:06:47
img Günün xəbərləri
Orfoqrafiya qaydalarına bu dəyişikliklər edildi - SİYAHI

2019-04-20 / 10:58:39
img Dünya
Xəzinə tapdılar, varlanmaq əvəzinə borca düşdülər

2019-04-20 / 10:57:45
img Ölkə
Rafael Ağayev Premyer Liqada bürünc medal üçün döyüşəcək

2019-04-20 / 10:56:20
img Hadisə
Əkizlər 97 gün fərqlə doğuldular

2019-04-20 / 10:55:11
img Qafqaz
Gürcüstan Prezident Administrasiyasının rəhbəri istefa verdi

2019-04-20 / 10:53:57
img Manşet xəbərləri
Beş nazirliyin yol verdiyi qanun pozuntularının üstü açıldı - SİYAHI

2019-04-19 / 16:59:48

Bütün xəbərlər