logo
RU

Sosial

“Yeni Yasamal” MTK jurnalisti də aldadıb: 125 minlik mənzil daha 3 nəfərə satılıb

img




Mənzil Tikinti Koperativi (MTK) adı altında fırıldaqçılıq edən bəzi “şirkətlər”in “fəaliyyəti” zaman-zaman mətbuatın gündəmində olub. Vətəndaşların etibarından sui-istifadə edən belə “şirkətlər” əksər hallarda inşa etdikləri çoxmərtəbəli binalardakı eyni mənzili bir neçə nəfərə satmaqla qanunsuz qolla pul qazanmağa çalışıblar.
Fırıldaqçı MTK-ların toruna düşənlərdən biri də tanınmış tənqidçi-publisist, jurnalist Nərgiz Cabbarlıdır. 4 ildir 125 min manat ödədiyi mənzildə yaşamaq uğrunda mübarizə aparan N.Cabbarlı nəticə hasil olmadığından çıxış yolunu məsələni ictimailəşdirməkdə görüb.
LEGİON.AZ xəbər verir ki, bu barədə Modern.az-a danışan N.Cabbarlı bildirib ki, 2015-ci ildə “Yeni Yasamal” MTK-nın binasında mənzil sahibi olmaq üçün 125 min manat ödəyib. Amma məlum olub ki, həmin mənzil ondan başqa daha 3 nəfərə satılıb:
“2015-cü ildə “Yeni Yasamal” MTK-ya ödəniş edib, ev almışam. Mənzil yoldaşım Abdullayev Natiq Alı oğlunun adınadır. Bununla bağlı mənə sənəd veriblər. Mən bu binada mənzilə sahib olmaq üçün bankdan kredit götürmüşəm, atamgilin evini girov qoymuşam. 4 ildir ki, banklara pul ödəyirəm. Əlimdə müqaviləm, çıxarışım, ödənişlə bağlı sənədim var. Dörd otaqlı mənzil üçün 125 min manat ödəmişəm. Yeni Yasamal MTK-nın sədri Cahangir Alışova ilkin olaraq 40 min manat verdim, daha sonra bankdan kredit götürüb qalanını da ödədim.
Keçən ilin yanvar ayında qərara gəldim ki, mənzilə qapı qoydurum. Getdim gördüm ki, mənzilə artıq qapı qoyulub. Halbuki, bir ay əvvəl mənzildə olmuşdum.  Araşdıranda mənə məlum oldu ki, mənzil başqasına da satılıb. MTK-nın sədri Cahangir Alışovla görüşdüm. Məni əmin etdi ki, “yanlışlıq olub, narahat olmayın, ev sizindir”.
O mənə əlavə olaraq 5 min manat da ödəməli olduğumu bildirdi. Dedi ki, “qarışıqlıq olub, əlavə 5 min də ödəyin, heç bir problem qalmasın”. Getdim borc tapdım 5 min manatı onun vəkili Habil Fətəliyevə verdim. Sonra getdim əvvəlki qapını çıxartdırıb öz qapımı qoydum. Qonşuluqdakı mənzili təmir edən ustalardan xahiş etdim ki, nəsə problem olsa ,mənə xəbər etsinlər. Üstündən bir neçə gün keçmiş usta mənə zəng etdi ki, “tez gəlin, sizin qapını çıxarıb yerinə başqa qapı qoyurlar”.
Və daha bir araşdırmadan sonra məlum oldu ki, bu mənzil məndən əvvəl – 2007-ci ildə Etibar Quliyev adlı şəxsə də satılıb. Mənim əlimdə olan sənədlərdən onda da var. Məsələ ilə bağlı Baş Prokurorluq yanında Korrupsiyaya Qarşı Mübarizə İdarəsinə müraciət etdik. Orda da məlum oldu ki, 138 nömrəli mənzil 4 adama – 2007-ci ildə Etibar Quliyevə, 2014-cü ildə başqa birinə, 2015-ci ildə mənə və 2016-cı ildə daha bir nəfərə satılıb. Və qapını qoyan da 2016-cı ildə ortaya çıxan adamdır”
Şikayətçi bildirir ki, qaz verilməsə də, hazırda həmin binada yaşayış var:
“Təxminən 30 faizə yaxın mənzildə sakin yaşayır. Cahangir Alışov 5 mini alandan sonra mənə yol göstərdi. Dedi məhkəməyə müraciət edim ki, mənzil hüququm tanınsın. Sədr mənə dedi ki, “Etibar Quliyev pulu tam ödəməyib, özü də ödənişi podratçıya edib. Həmin podratçı indi tutulub. Yaxşı olar ki, siz məhkəməyə müraciət edəsiniz ki, mənzil hüququnuz tanınsın”.
Mən 2017-ci ildə Yasamal rayon Məhkəməsinə müraciət etdim. Prosesə Xuraman adlı hakim baxdı. Sonra məlum oldu ki, Etibar Quliyev də məhkəməyə müraciət edib və onun da iddiasına Xuraman xanım baxır. Mənim isə bütün bunlardan xəbərim yoxdur. Yalnız bir gün əvvəl mənə məhkəmənin vaxtı barədə mesaj göndərdilər. Getdim, mənə söz verilmədən, şikayətim dinlənilmədən Etibar Quliyevin xeyrinə qərar çıxarıldı. Və məlum oldu ki, İqtisad Məhkəməsi binadakı 34 mənzilə həbs qoyub. Qərar verilib ki, məsələ aydınlaşdırılana qədər mənzillər satıla bilməz. Yəni 34 mənzil mübahisəlidir. Mənə hələ də qaranlıqdır ki, əgər İqtisad Məhkəməsi mənzillərin satışına icazə vermirsə, Etibar Quliyevin xeyrinə necə qərar çıxarılıb? Bunu aydınlaşdırmaq üçün də apellyasiya şikayəti vermişəm”.
Şikayətçi Nərgiz Cabbarlı bildirir ki, hazırda həmin mənzildə yaşayış yoxdur:
“Məni narahat edən bilirsinizmi nədir? Lap tutaq ki, məhkəmə pulların geri qaytarılması qərarını çıxaracaq. Amma Cahangir Alışov həbsdədir. Vəkili Habil Fətəliyev həbsdədir. Kim bilir Alışov nə vaxt çıxacaq, pulumu nə vaxt qaytaracaq, mən mənzilimdə yaşaya biləcəm? Çünki bu pulun qaytarılma mexanizmi yoxdur.
Mən heç o pulu istəmirəm, mənzilimi istəyirəm. Çünki həmin pul dəyərdən düşüb devalvasiyadan sonra. 2014-cü ildə mən 125 min manat ödəmişəm. 2007-ci ildə mənzili alan adam 76 min manat ödəyib. Bizdən sonrakı 35 min manat ödəyib, qalanını da ödəyəcəyini bildirib. Baxın vəziyyət belədir. Mən illərdir qazandıqlarımı evə qoymuşam, o da mənim deyil. Mən bir ildir təkbaşına mübarizə aparıram. Gördüm daha çarəm yoxdur. Ona görə məsələnin ictimailəşməsini istəyirəm”.
Qeyd edək ki, “Yeni Yasamal” MTK-nın Yasamal rayonu, Şeyx Məhəmməd Xiyabani küçəsi 5 ünvanında yerləşən 16 mərtəbəli yaşayış binası ilə bağlı doqquz il əvvəl başlamış qalmaqala görə tikinti şirkətinin rəhbəri Cahangir Alışov həbs edilib. Şirkət rəhbəri evlərin qanunsuz satışını vəkili Habil Fətəliyev vasitəsi ilə həyata keçirdiyindən o da saxlanılıb.

LEGİON.AZ







Xəbər lenti

img Qafqaz
Azərbaycanlı şəxs yemək yeyib ağzını pulla sildi – VİDEO

2018-12-14 / 18:40:59
img Günün xəbərləri
“Özkardeşlər” və “Qızıl balıq” BAĞLANDI

2018-12-14 / 18:29:46
img Manşet xəbərləri
Prezident İlham Əliyev İranın informasiya və milli təhlükəsizlik nazirini qəbul edib YENİLƏNİB

2018-12-14 / 18:23:29
img Manşet xəbərləri
Prezident İlham Əliyev Türkiyənin xarici işlər nazirini qəbul edib

2018-12-14 / 13:02:19
img Cəmiyyət
Agentlik “quş qripi” ilə bağlı əhaliyə xəbərdarlıq etdi

2018-12-14 / 12:44:46
img Hadisə
Gəncədə qadını “İnstagram” vasitəsilə şantaj edən şəxs saxlanıldı

2018-12-14 / 12:34:13
img Dünya
Hindistanda uçqun altında qalan fəhlələrin axtarışları nəticə verməyib

2018-12-14 / 12:25:20
img Ölkə
Gələn ildən Bakı Limanında elektron bilet satışı tətbiq olunacaq

2018-12-14 / 12:20:11
img Günün xəbərləri
Oqtay Əsədov: Azərbaycanda gənclər siyasəti dövlət siyasətinin mühüm tərkib hissəsidir

2018-12-14 / 12:14:10
img Cəmiyyət
Qadınlarda xərçəng xəstəliyinin ən VACİB 5 ƏLAMƏTİ

2018-12-13 / 17:20:27
img Dünya
2 min illik qəbirdə şok detal — Ayaqlarını kəsib dəfn ediblər (FOTOLAR)

2018-12-13 / 16:59:50
img Sosial
Azərbaycanda kolbasa “poroşok”dan hazırlanır? – İddia

2018-12-13 / 16:45:09
img Cəmiyyət
Kartof yuxu üçün səmərəli qidadır

2018-12-13 / 16:36:16
img Ölkə
Prezident Xətainin icra başçısını işdən çıxardı

2018-12-13 / 16:34:19
img Manşet xəbərləri
Azərbaycan Prezidenti: Ölkəmizdə beynəlxalq idman yarışlarının keçirilməsi ənənəyə çevrilib

2018-12-13 / 16:32:20
img Manşet xəbərləri
Əli Həsənov: Nə qədər Azərbaycan var, Heydər Əliyevin ideyaları yaşayacaq...

2018-12-12 / 18:48:54
img Cəmiyyət
Bakıda məktəbə buraxılmayan qızla bağlı YENİ XƏBƏR - İŞƏ POLİS QARIŞDI

2018-12-12 / 18:27:30
img Manşet xəbərləri
İlham Əliyev Rusiya və NATO generallarının Bakı görüşündən danışdı - YENİLƏNİB

2018-12-12 / 16:00:04
img Manşet xəbərləri
İlham Əliyev Heydər Əliyevin məzarını ziyarət edib + FOTO

2018-12-12 / 12:15:07
img Manşet xəbərləri
Heydər Əliyevin anım günüdür - FOTOLAR

2018-12-12 / 11:09:49
img Ölkə
Azərbaycanda bağça müəlliminin videosu yayıldı: Uşaqların yanında söyüş söyür - VİDEO

2018-12-11 / 18:01:06
img Müsahibə
Məşhur aktrisa unuda bilmədiyi insan haqqında: “Həyatımda olmayan…” - MÜSAHİBƏ

2018-12-11 / 17:24:52
img Sosial
Bakıda şirkət xaricdə işləmək istəyən qardaşlardan pul aldı - Biri Polşada küçələrdə qaldı (VİDEO)

2018-12-11 / 17:08:04
img Günün xəbərləri
Bakı meri sabiq deputatın restoranını SÖKDÜRÜR - FOTO

2018-12-11 / 16:54:08
img Manşet xəbərləri
Tarixə yazılan epoxa, tarixə çevrilən şəxsiyyət...

2018-12-11 / 16:49:06

Bütün xəbərlər