logo
RU

Günün xəbərləri

Fazil Məmmədovun “Qara qutu”ları sonadək açılacaqmı? – Gözlər Mikayıl Cabbarovda

img




Habil Məmmədov niyə Mikayıl Cabbarovun 64 nəfərlik “Qara siyahı”sından kənarda qaldı?


Cəmiyyət islahatçı nazirdən peşəkar şahmatçı gedişi ilə vergi başkəsənlərini mat qoymasını gözləyir…

“Yeni Müsavat” qəzeti 9 şirkət və bir fiziki şəxsin Vergilər Nazirliyi yanında Bakı şəhəri Lokal Gəlirlər Departamentini məhkəməyə verməsini ötən ay işdən qovulan vergilər naziri Fazil Məmmədovun həbsi istiqamətindəki növbəti addım kimi qiymətləndirib.
Qəzet yazır: “Məsələ ondadır ki, Lokal Gəlirlər Departamenti orta və kiçik sahibkarlara divan tutan əsas qurum olub. Məhz həmin orqanın əməkdaşları iş adamlarını aylıq, illik “haqq”a oturdublar,  dövlət büdcəsinə çatmalı olan pulları mənimsəyiblər. Fakt isə ondan ibarətdir ki, bu qurumun rəhbər şəxsləri birbaşa Fazil Məmmədovun ən yaxın adamları olub. Şübhəsiz ki, buradakı proseslər nazirdən xəbərsiz həyata keçirilməyib”.
“Qafqaz Xəbər” 
qəzeti xəbər verir ki, qəzetin iddiaları ilə razılaşmamaq mümkün deyil və adıçəkilən qurumun ölkə sahibkarlığına divan tutması heç kimə sirr deyil. Heç də təsadüfi deyil ki, üzləşdikləri vergi repressiyalarına görə bu günədək susmağa məcbur olan bir neçə sahibkar Moderator.az-a müraciət edərək dövlət başçısının Fazil Məmmədovun işdən qovulması haqqında sərəncamını alqışlamışdı (moderator.az/news/205506.html).
Sahibkarlar az qala fəryad edərək Lokal Gəlirlər Departamentinin rəisi İlqar Əhmədovun onlara zülm etdiyindən bəhs etmişdilər. Üstəlik, onlar hələ bir müddət də səbrlə gözləyəcəklərini və vergilər naziri Fazil Məmmədovun özünün və talançı komandasının rəsmi olaraq məhşər ayağına çəkilməyə başlamasından sonra üzə çıxaraq tükürpədici faktları açıqlayacaqlarını bildirmişdilər. Odur ki, indi 9 şirkətin və 1 fiziki şəxsin rəsmi olaraq məhkəməyə müraciət etməsi başadüşüləndir və gözləmək olar ki, tezliklə zərərçəkmişlərin uzun-uzadı siyahısı mətbuata ayaq açacaq və obrazlı ifadə olunsa, “MTN işi” çərçivəsində rəsmi olaraq zərərçəkmiş kimi tanınanların sayı vergi başkəsənlərinin qurbanlarının sayının yanında toya getməli olacaq.
Ancaq qəzet adıçəkilən departamenti sahibkarlara divan tutan “əsas qurum” kimi təqdim etməkdə bir az qeyri-dəqiqliyə yol verib. Məsələ burasındadır ki, Vergilər Nazirliyi yanında Vergi Auditi Departamentinin, sonradan Vergilər Nazirliyi yanında Bakı Vergilər Departamentinin rəisi, ən sonda isə nazirin müşaviri təyin olunmuş Habil Məmmədov İlqar Əhmədovdan daha betər bir soyğunçuluq kampaniyasına rəhbərlik edib. Bir sözlə, Habil Məmmədov böyrü üstə düşmüş ölkə sahibkarlığının nəzərində daha böyük günahlar sahibi kimi tanınır və “Yeni Müsavat”ın İlqar Əhmədovun rəhbərlik etdiyi departamenti “əsas qurum” kimi təqdim etməklə özü də bilmədən Habil Məmmədovun günahına girib və onun seriallar bəzəyi olacaq bir əsrə sığmayan “xidmətlər”ini kiçiltmiş olub.
Əslində cəmiyyətdə çaşqınlıq yaradan amilllərdən biri də ölkədə islahatçı məmur kimi ad çıxarmış yeni vergilər naziri Mikayıl Cabbarovun iki gün öncə açıqlanmış 64 nəfərlik “qara siyahı”sına məhz Habil Məmmədov başçılıq etməli olduğu halda onun adına rast gəlinməməsidir. Doğrudur, bəzi müşahidəçilər iddia edir ki, Mikyıl Cabbarov Habil Məmmədovu məqsədli şəkildə bir müddət öz postunda saxlayıb, bununla da Fazil Məmmədovun cinayətkar şəbəkəsinin əməllərini təfərrüatı ilə ortaya qoyacağı, nazirlə səmimi davranacağı, gizli dosyeləri deşifrə edəcəyi halda həbs edilməyəcəyinə zəmanət almaqla işindən kənarlaşdırılacaq.
Çünki əslində Habil Məmmədovla İlqar Əhmədov Fazil Məmmədovun “qara qutu”ları hesab olunur və onların bu illər ərzində törədilən tükürpədici cinayətlərin 50 faizini deşifrə etmələri kifayət edər ki, keçmiş vergilər nazirini uzunmüddətli, bəlkə də ömürlük həbsə göndərmək mümkün olsun. Çünki dövlət başçısı İlham Əliyev vaxtilə keçirdiyi müşavirədə vergi orqanlarını ittiham edərkən onların əməllərini dövlətə, Vətənə xəyanət kimi qəbul etdiyini vurğulamışdı. Cinayət Məcəlləsinə görə Vətənə xəyənət maddəsi ilə ittiham olunanlar ömürlük həbs cəzası ilə cəzalandırılır. Bu baxımdan Mikayıl Cabbarovun 64 nəfərlik qara siyahısını obrazlı olaraq onun cəmiyyətə hələ də təfərrüatı bəlli olmayan şahmat gedişi kimi də xarakterizə etmək olar.
Doğrudur, Şahmat Federasiyasının rəsmi prezidenti Mərkəzi Banklın sədri Elman Rüstəmovdur. Amma Badminton və Qılıncoynatma Federasiyalarının prezidenti olan Mikayıl Cabbarovun da yaxşı şahmatçı olduğu və onun 64 xanalıq şahmat taxtasında gözlənilməz gedişlər etdiyi deyilir. Odur ki, məhz bu məntiqlə onun Habil Məmmədovla bağlı son qərar vermədiyini proqnozlaşdırmaq olar. Çünki məhz Habil Məmmədov sahibkarlara çoxpilləli torba tikmə kampaniyasına əsas rəhbərlik edənlərdən olub və kimlərə ağılasığmaz vergi borcu yükləmək, kimləri qabaqcadan tasa oturdaraq iki il öncədən vergi istəməyi bilir və bu şəbəkənin işlək mexanizminin uzmanı kimi tanınır. Ona görə də onun silkələnərək qara qutunun içərisindəkilərin heç olmasa yarısının üzə çıxarılması lazımdır və cəmiyyətin də əslində dörd gözlə islahatçı nazirdən gözlədiyi budur. Hamı yeni vergilər nazirindən peşəkar şahmatçı gedişləri gözləyir və ümid edilir ki, o ölkə sahibkarlığının qəbirqazanı olmuş şəbəkəni ifşa etməklə başda Fazil Məmmədov olmaqla ölkə iqtisadiyyatının qara yarasına çevrilmiş vergi başkəsənlərini mat qoyacaq qərarlara imza atacaq. Əks halda cəmiyyətin özü mat vəziyyətinə düşəcək.Moderator.az

LEGİON.AZ 







Xəbər lenti

img Günün xəbərləri
Yeni hökumət tam tərkibdə - Prezident sərəncam imzaladı

2018-04-23 / 19:44:29
img Sosial
Ağalar Vəliyevin “Kristal Abşeron”unda özbaşınalıq

2018-04-23 / 17:03:23
img Manşet xəbərləri
“Çıxarışdan” Əmlak Komitəsinə gedən yol

2018-04-23 / 16:05:45
img Dünya
Pakistan prezidenti İlham Əliyevi təbrik etdi

2018-04-23 / 14:07:18
img Qafqaz
Sarkisyanın son saatları: Rusiya Ermənistana ordu yeridir - Aprel döyüşçüləri MEYDANDA - CANLI YAYIM (YENİLƏNİR)

2018-04-23 / 13:35:49
img Hadisə
Göygöldə qar uçqunu altında qalanlar xilas edildi

2018-04-23 / 12:52:07
img Manşet xəbərləri
Prezident Oreşkini qəbul etdi

2018-04-23 / 12:31:26
img Cəmiyyət
Dar paltar geyməyin QORXUNC NƏTİCƏLƏRİ - İnanmayacağınız 6 FƏSAD

2018-04-23 / 12:17:55
img Ölkə
Bakıda azyaşlıların da cəlb edildiyi gizli ibadət yeri aşkarlandı

2018-04-23 / 12:03:11
img Video xəbərlər
Arvadını kişi ilə yataqda tutan kişi: Bağışlayın narahat etdim – ŞOK VİDEO (+18)

2018-04-23 / 00:56:09
img Günün xəbərləri
“Quska”nı Türkiyədə tutub, Bakıya gətirdilər – günün sensasiyası (YENİLƏNDİ)

2018-04-23 / 00:03:03
img Manşet xəbərləri
Özünü “yetim-yesir anası” adlandıran qızıl alverçisi pula görə bir çoxlarını məhkəməyə çəkib…

2018-04-21 / 18:38:23
img Manşet xəbərləri
“Azərsu”da korrupsiya xərçəng xəstəliyinə çevrilib

2018-04-21 / 18:15:38
img Günün xəbərləri
Nazirlər Kabinetinin yeni tərkibi təsdiqləndi - SİYAHI

2018-04-21 / 18:01:51
img Cəmiyyət
“Atena” şirkətində QALMAQAL – Çıxarılan 250 işçi aksiyaya hazırlaşır

2018-04-21 / 17:36:37
img Sosial
“Rahat”da narahatlıq: Supermarketdə baş verən cinayət gizlədilir – VİDEO

2018-04-21 / 12:47:37
img Günün xəbərləri
Milli Məclis təsdiqlədi: Yeni baş nazir çıxış etdi

2018-04-21 / 12:37:46
img Hadisə
Evə silahlı basqın oldu, ev sahibi bıçaqlandı

2018-04-21 / 12:33:26
img Ölkə
Milli Məclisin toplantısı başladı: Baş nazirin təsdiqi

2018-04-21 / 12:16:22
img Qafqaz
Ordu ağır hərbi texnikanı Moskvaya yeritdi

2018-04-21 / 12:11:26
img Dünya
Bütün dünya BU TOYDAN danışır - 100 aşpaz, 40 müğənni, 20 ölkədən gələn qonaqlar - VİDEO

2018-04-21 / 12:05:48
img Ölkə
Nazirlik bələdiyyə sədrini 4000 manat cərimələdi

2018-04-20 / 19:13:03
img Sosial
“Unibank” əhalini təşvişə salır: Dollar “bahalaşdırılır”

2018-04-20 / 18:34:31
img Hadisə
Bakıda 6 yaşlı qıza qarşı valideynlərindən İYRƏNC ƏMƏL: Hər gün zorla... - DƏHŞƏT

2018-04-20 / 17:24:46
img Günün xəbərləri
Oqtay Şirəliyev jurnalisti döyən şəxsləri gizlədir – Nazir çıxılmaz durumdadır

2018-04-20 / 14:05:01

Bütün xəbərlər