logo
RU

Günün xəbərləri

İcra başçısı Gədəbəyi qarış-qarış zəbt edib – FOTOLAR

img




Ramiz Yediyarov rayonda sahibkarlara qan uddurmaqda davam edir
LEGİON.AZ xəbər verir ki, sabiq vergilər naziri Fazil Məmmədovun Şəmkir rayonunda bütün gəlirli sahələrə əl qoyması haqda ötən saylarımızda dərc olunan reportajda ətraflı məlumat vermişdik. Şəmkirdəki durum  belədir – gözünü yum və əlini hər hansı bir istiqamətə tuşla. Ətrafındakılar  barmaqlarının Fazil Məmmədovun zavodu, quşçuluq fabriki, restoranı, hoteli, çayxanası, çörək zavodu, istirahət mərkəzi, gölü, istixanası və hətta özəl meşəsinə tuşlandığını deyəcəklər. Bəli, Şəmkirdən Gədəbəy istiqamətinə irəliləsən və gözün meşəyə sataşsa, tərəddüd etmədən rahatca “bura da Fazil Məmmədovundur” deyə bilərsən və yanılmayacaqsan.
Gədəbəyin Yasamal aşırımlarındakı “Yastı meşə”si də məhz Fazil Məmmədovun nəzarəti altındadır, orada dəbdəbəli imarətlər inşa etdirib. 1 gün də olsun oralardakı imarətlərdə yaşamasa da, Şəmkir və Gədəbəydən olan sakinlər daha oralara istirahətə gedə bilmirlər. Həmin meşələr onların üzünə həmişəlik bağlanıb.
Gədəbəyin özündə isə Fazil Məmmədovun kadrı Ramiz Yediyarov “balaca padşah”lıq edir. İş adam Fəxrəddin Bağırovun başına açdığı müsibətlər haqda ötənlərdə yazmışdıq. Vaxtilə vergi işçisi olmuş Ramiz Yediyarov 3 ay əvvəl yuxusuna haram qatıb plan cızmış, səhər isə sahibkarın obyektinə hücum təşkil etmişdi. Öz hikkəsinə rayondakı dövlət qurumlarının nümayəndələrini də bulaşdıran icra başçısı sahibkarın obyektinin qapı-pəncərələrini, darvazasını daşla hördürmüşdü. Fazil Məmmədov büdrəyəndən sonra Ramiz Yediyarov qorxuya düşüb obyektin qonşuluğundakı həyətdən ora yol açdırmışdı. Rayona sonuncu səfərimiz zamanı sahibkarın obyektinin qapılarını hörülmüş gördük. Yerli sakinlərdən xəbər aldıq, dedilər ki, Fəxrəddin Bağırov rayondan 3 ay əvvəl çıxandır və geri qayıtmayıb. Obyekt isə ağzı günə qalıb, fəaliyyətsizdir. Vergi işçisi olan başçı bir sahibkarı beləcə vergi ödəməkdən, büdcəyə xeyir verməkdən uzaqlaşdırıb. Obyektdə çalışanları da işsiz qoyub.


Başçının qanunsuz tikdirdiyi yanacaq doldurma məntəqəsi


Sən demə, gözdən-könüldən uzaq Gədəbəydə Ramiz Yediyarovun işi elə sahibkarlara qarşı qanunsuzluqlar etməkdən ibarətmiş…
Gədəbəydə ilk diqqətimizi cəlb edən Şəhidlər Xiyabanı qarşısında yöndəmsiz inşa olunan yanacaqdoldurma məntəqəsi oldu. Öyrəndik ki, məntəqə başçının göstərişi ilə tikilib. İllər əvvəl bir sahibkarın sökülmüş obyekti əvəzinə ona verilməli olub. Sahibkar gəlib, məntəqəyə baxıb və onu qəbul etmək istəyib. Başçının adamları ona deyiblər ki, sənəd-filan olmayacaq, yoxdur. Yəni məntəqə qanunsuz tikilib. İcra başçısının qəbuluna gedən sahibkar məsələni aydınlaşdırmaq istəyib. Lakin İcra hakimiyyəti binasında quraşdırılan polis, şəxsi cangüdən və katibə postlarını keçib başçısının qəbuluna düşə bilməyib. Bəli, Ramiz Yediyarovun qəbuluna düşmək üçün 1 turniket və 3 post keçməlisən. Dəmiraxtaranla başdan-ayağa kimi yoxlamaya hazır olmalısan. Bir sözlə, prezidentin məmurlara, icra başçılarına yönəlik çıxışlarında sadəlik, xalqa xidmət kimi çağırışlarını Gədəbəy İcra Hakimiyyətində əxz edən yoxdur.
Sakinlər deyirlər ki, obyekti sökülərkən sahibkara hər cür dəstək vəd edən Ramiz Yediyarov sonradan ondan gen gəzib. Odur ki, Şəhidlər Xiyabanı önündə qanunsuz tikilən məntəqə işə başlamayıb. Sahibkarın müxtəlif orqanlarına şikayətlərini də icra başçısı önləyə bilib. Yerli sakinlərdən öyrəndik ki, başçı bu obyekti satmaq üçün illərdir müştəri axtarır,  məntəqə qanunsuz tikildiyindən kimsə ora yaxın düşmür. Üstəlik, digər iş adamları obyekti dağıdılmış sahibkarın haqqına girmək istəmirlər. Bundan başqa, məntəqə faktiki olaraq barıt çəlləyini xatırladır. Yetər ki, məntəqədəki çənlərə benzin və ya digər tez alışan maye doldurulsun. Səbəb də budur ki, obyekt qaz kəmərinin yaxınlığında və 10 kilovoltluq elektik xəttinin altında tikilib. Adi bir ehtiyatsızlıq, qığılcım ərazidə böyük bir partlayış, yanğının meydana gəlməsinə səbəb ola bilər…


Əli Abdullayevə kompensasiya əvəzi verilməsi adı ilə tikilən, ona verilməyən obyekt


Mərhum iş adamı Əli Abdullayevə qarşı Ramiz Yediyarovun törətdiklərini isə Gədəbəydə bilməyən az adam var. Rayondakı ilk özəl hotelin sahibi Əli Abdullaeyvə heç bir kompensasiya ödəmədən obyekti bir gecənin içində uçurulmuşdu. Uzun-uzadı çəkişmələrdən sonra başçı obyektin qanunsuz söküldüyünü etiraf edərək iş adamına Gədəbəyin Heydər Əliyev prospektində 3 mərtəbəli bina tikib veriləcəyini bildirmişdi. Bu sövdələşmədən az sonra Əli Abdullayev qəfil və müəmmalı şəkildə dünyasını dəyişdi. Yerli sakinlər Əli Abdullayevə verilməli olan 3 mərtəbəli binanın tikintisinin çoxdan başa çatdırıldığını, amma mərhum sahibkarın vərəsələrinə, ailəsinə verilmədiyini deyirlər. Ramiz Yediyarovun həmin əmlakı da digər şəxslərə satmaq planının varlığı haqda danışırlar. Hazırda başçının göstərişi ilə binada Gədəbəy rayon Uşaq Yaradıcılıq Mərkəzi yerləşir. Sakinlər deyir ki, mərkəzin binası daha perspektivli yerdə olduğu üçün başçı “hamam suyundan özünə dost tutub”. Sahibkarın obyektini dağıdıb, ona kompensasiya olaraq vəd edilən tikilini isə mərkəzə verməklə bu qurumun əvvəlki əmlakını da öz mal-mülkünə qatıb. Heydər Əliyev prospektindəki binanın yerləşdiyi torpaq sahəsi isə başçının etibarlı adamı, YAP Gədəbəy rayon təşkilatının sədri Rüstəm Nağıyevin anası  Xalidə Ehsan qızının adına rəsmiləşib. Ərazidə çəkiliş apararkən məlum oldu ki, bu bina da qaz xəttinin yaxınlığında inşa olunub…


Slavyanka kəndində əkin sahələrinin tən ortasında zəbt olunan torpaq


Şəmkirdə Fazil Məmmədov hər tin-bucaqda korrupsiya pulları hesabına obyektlər tikdirməklə ad çıxarıbsa, onun Gədəbəydəki kadrı Ramiz Yediyarov sahibkarların obyektlərini dağıtması ilə “şöhrət” tapıb. Söküntü işləri icra başçısına bir tərəfdən perspektivli torpaq sahələrinə “əl qoymağa” imkan verib, digər tərəfdən isə yeni inşa edilən obyektlərin onun “çətiri” altına yığılmasına yol açıb. Sahibkarların obyektləri dağıdılan günlərdə Ramiz Yediyarov rayonun 20 Yanvar küçəsində ticarət mərkəzi tikdirib. Sahibkarlara da həmin mərkəzdə obyektlər veriləcəyi vəd olunub. Sənəd-sübutlu obyektləri dağıdılan sahibkarlar ticarət mərkəzinin 10 və 35 kilovoltluq elektrik xətlərinin altında yerləşdiyini və ərazinin ticarət üçün əlverişsizliyini görüb ora köçməyə həvəs göstərməyiblər. 10 və 35 kilovoltluq elektrik xətlərinin dəmir dayaqları bu mərkəzin ərazisindədir. Xırda bir nasazlıq yüksəkgərginlikli xətlərin əraziyə düşərək, hər an böyük faciəyə səbəb ola biləcəyini söyləməyə əsas verir. Ərazidə tikinti aparılmasını tapşıran Ramiz Yediyarov belə bir olay baş versə, yəqin ki, yaxasını kənara çəkəcək. Deyəcək ki, tikintidən xəbəri olmayıb. Ortada Binəqədidə bina yanğını zamanı Xaləddin İsgəndərovun özünü necə aparması, 1-ci müavinini “rasxod”a verməsi nümunəsi var.


10 və 35 kilovoltluq elektrik xəttlərinin altında qanunsuz tikilən ticarət mərkəzi 


Ramiz Yediyarovun pay torpaqlarını payi-mal etməsi də rayonda müzakirə mövzularındandır. Dağlar qoynundakı  Gədəbəydə gözəgəlimli bir yer oldusa, “əkin sahəsidir”, “təyinatı başqadır” kimi qadağalar işə yaramır. Gədəbəydə bir qanun işləyir – Ramiz Yediyarovun qanunları. Slavyanka kəndində də bunu bilməyən yoxdur. Başçı qəbiristanlıqdan bir qədər yuxarıda yerləşən pay torpağında tikinti aparılmasını əngəlləməyib. Daş töküb, əkin sahələrinin tən ortasında hasar çəkiblər, ev tikilməsi üçün hazırlayıblar. Əlbəttə ki, başçının göstərişi, razılığı olmasa, kimsə daşı daş üstə qoya bilməz. Bunu Gədəbəydə bilməyən yoxdur. Nə vaxtsa bir rayonda sahibkarlığın necə çökdürülməsi haqda kitab yazılsa, müəllifin Ramiz Yediyarovun fəaliyyətini təftiş etməsi yetər…
“Yeni Müsavat”ın Reportyor Qrupu

LEGİON.AZ 








Xəbər lenti

img Günün xəbərləri
Əziz Əzizovdan 20 yanvar şəhidlərinə sayğısızlıq: “Xoşbəxt olun…” – FOTOLAR

2018-01-22 / 21:14:16
img Manşet xəbərləri
Qoşqar Təhməzov niyə Qoşqar Təhməzli oldu?

2018-01-22 / 18:01:13
img Foto xəbər
Azərbaycanlı məmurun kral həyatından fotolar yayıldı – GÖRÜNTÜ

2018-01-22 / 17:51:39
img Manşet xəbərləri
“UniBank”dan müştərilərə “komissiya haqqı” kələyi — İpoteka kreditində yalan vəd

2018-01-22 / 16:06:28
img Sosial
Bahalı, saxta və zərərli: Bazarda təhlükəli mallar dolaşır

2018-01-22 / 15:20:45
img Günün xəbərləri
Ukraynalı model katibə, “Hilton”da qazaxıstanlı məşuqə, müavinlərə ayda 10 min manat maaş… – EMİN PULLARI BELƏ TALAYIRDI

2018-01-22 / 14:10:12
img Foto xəbər
Bülent Ersoydan sonra Sibel Tüzün Aygün Kazımovanın paltarından tikdirdi

2018-01-22 / 12:38:16
img Video xəbərlər
Gözlənilən "Bimar" dueti təqdim olundu - Video

2018-01-22 / 11:14:04
img Ölkə
Yeganə Sadıxovanın əl işləri Parisdə nümayiş ediləcək

2018-01-22 / 10:56:28
img Günün xəbərləri
“Azərişıq”ın Şirvan qaranlığı: Baba Rzayev üçün Hikmət Həsənov müəmması

2018-01-22 / 10:42:18
img Ölkə
Azərbaycanlı müğənni tanınmaz hala düşdü - Foto

2018-01-22 / 10:30:59
img Cəmiyyət
"Sevdiyim insan mənimdir, görünməsini istəmirəm" - Gülnar

2018-01-22 / 10:13:43
img Manşet xəbərləri
Qorxmaz Hüseynovun qorxmazlığı

2017-08-22 / 10:03:58
img Cəmiyyət
Bu dəfə "Crystal Hall"da hansı ulduz konsert verəcək?

2018-01-22 / 09:54:41
img Manşet xəbərləri
“TuranBank”a 36 aylıq əmanət yerləşdirənlərin nəzərinə — PULLARINIZ BATA BİLƏR

2018-01-22 / 09:43:26
img Dünya
Damla sahibini xaricdə üzə çıxaracaq

2018-01-22 / 09:35:50
img Ölkə
Renka məşhur seriala çəkiləcək – foto

2018-01-22 / 09:30:10
img Günün xəbərləri
“Azərsu” ASC-dən yoxa çıxan 8 milyona aydınlıq gəldi

2017-07-07/ 09:47:57
img Dünya
“WhatsApp” yazışması zamanı “YouTube” izləmək mümkün oldu

2018-01-20 / 13:17:56
img Foto xəbər
Hacı Zeynalabdin qəsəbəsi şəhidləri belə andı - Foto

2018-01-20 / 12:25:42
img Manşet xəbərləri
Prezident Şəhidlər Xiyabanını ziyarət edib

2018-01-20 / 10:35:18
img Günün xəbərləri
20 Yanvar faciəsindən 28 il ötür

2018-01-20 / 10:07:34
img Sosial
“Nuray House” 30 fəhlənin pulunu mənimsədi?: Rəsmi qurumları “aldatdı” (FOTO)

2018-01-19 / 18:35:00
img Günün xəbərləri
Nazir müavini işdən çıxarıldı – 30 min “paket”, yeyinti və intihar…

2018-01-19 / 15:44:21
img Manşet xəbərləri
OFELİYA MAHMUDOVA ARAZ DADAŞEVİ HƏBS ETDİRƏ BİLMƏDİ

2018-01-19 / 13:50:21

Bütün xəbərlər