logo
RU

Qafqaz

Rusiya Ermənistana «İsgəndər-M» raketləri bağışladı

img




Dünyada analoqu olmayan operativ-taktiki silahlar Azərbaycana qarşı yönəlib
Raket sistemləri Azərbaycanın ordusunu ən yeni müdafiə kompleksləri ilə təchiz etməsinə cavabdır Rusiya Ermənistanın “İsgəndər-M” operativ-taktiki raketləri ilə təchiz edilməsinə dair danışıqlar aparır. Bu barədə Rusiyanın hərbi-texniki əməkdaşlıq sferasındakı mənbə dövlət informasiya agentliyi TASS-a açıqlamasında bildirib. (virtualaz.org) Mənbə əlavə edib ki, raket komplekslərinin Ermənistana verilməsinə dair müqavilə hələ imzalanmayıb. Bundan əvvəl erməni mənbələri xəbər vermişdi ki, Ermənistan Rusiyadan “İsgəndər-M” raket komplekslərini almaq barədə razılıq əldə edib. Məlumata görə, komplekslər Rusiyanın Ermənistana silah almaq üçün ayırdığı 200 milyon dollarlıq kredit çərçivəsində əldə ediləcək. Ermənistan mediasında yayılan məlumatı Rusiyanın hərbi çevrələrində təsdiq edərək deyiblər ki, hələlik danışıqlar gedir. “Bu cür müqavilələrlə bağlı bütün informasiyalar məxfidir. Ona görə də hər hansı əlavə təfərrüatları açıqlamaq mümkün deyil”- deyə mənbə TASS-a bildirib. “İsgəndər-M” komplekslərini istehsal edən zavoddan isə deyiblər ki, 2016-cı ilə qədər bu komplekslər ixraca yönəldilməyəcək. Bununla belə komplekslər xaricə satılmasına icazə verilən silah və hərbi texnikanın siyahısına daxil edilib. Ötən il Qazaxıstan Rusiyadan bu kompleksləri almağa maraq göstərib. Habelə Səudiyyə Ərəbistanının Rusiya ilə “İsgəndər-M” komplekslərinə dair danışıqlar apardığı bildirilir. Ermənistan parlamenti iyulun 2-də Rusiyadan “ən müasir silah və texnikanın alınmasına” dair kredit sazişini ratifikasiya edib. Rusiya bu məqsədlə Ermənistana 13 illiyinə 200 milyon dollar ayırıb. Ermənistan silahları Rusiyadan zavod qiymətinə alacaq.  Qeyd edək ki, əslində Rusiyanın Ermənistana “İsgəndər-M” raketlərini verməsinə dair söz-söhbətlər yeni deyil. Ötən ilin yayında  “Azadlıq” radiosunun erməni xidməti məlumat yaydı ki, Rusiya “İsgəndər-M” komplekslərini Ermənistan ərazisində yerləşdirib. Məlumatı radiostansiyaya Ermənistan Müdafiə Nazirliyindəki mənbə vermiş və bildirmişdi ki, ölkə ərazisində bir neçə “İsgəndər-M” kompleksi var. Bununla belə Rusiyanın kompleksləri Ermənistan ordusunun sərəncamına verdiyi, yoxsa 102-ci bazanın təchizatına daxil etdiyi dəqiqləşdirilməyib. Bəs “İsgəndər-M” komplekslərinin özəlliyi nədədir? Rusiya niyə NATO-nu qorxutmaq üçün bu raketləri Kalininqrad vilayətində yerləşdirib və nədən Ermənistanın Azərbaycan qarşısında hərbi baxımdan dəfələrlə zəif duruma düşdüyü bir vaxtda öz forpostunu bu raketlərlə gücləndirməyə çalışır? Rusiya hərbi nəşrlərində məlumat verilir ki, “İsgəndər-M” kompleksləri NATO ölkələrinin sərəncamında olan ən mükəmməl “Petriot” və “Aegis” hava hücumundan müdafiə komplekslərinin müdafiəsini yara bilir. “İsgəndər” operativ-taktiki raketlərinin bir neçə modifikasiyası mövcuddur. Lakin onlardan ən müasiri “İsgəndər-M” raketləridir. “İsgəndər-M” raketlərinin ən mühüm özəlliyi ondadır ki, bu raketlər ballistik trayektoriya ilə hərəkət etmir. Start anından etibarən raket trayektoriyasını xaotik şəkildə dəyişir və ziqzaqvari hərəkət edir. Nəticədə ən müasir radar kompleksləri belə bu raketlərin trayektoriyasını dəqiq müəyyən edə bilmir. Rusiya hərbi sənayesi “İsgəndər-M” raketlərini daha da təkmilləşdirib və onun hədəfi vurma dəqiqliyini artırıb. Raketlərin son modifikasiyası hədəfi cəmi 10 metr dəqiqliyi ilə vura bilir. Hazırda “İsgəndər-M” Rusiyanın ən güclü operativ-taktiki raketləri hesab olunur və onun dünyada analoqu mövcud deyil. Kompleks iki raketlə təchiz olunub, birinci raketin buraxılmasından cəmi bir dəqiqə sonra ikinci raket start götürür. “İsgəndər-M” iki raketin eyni şaxtada quraşdırıldığı yeganə kompleksdir. Raket hədəfə çatana qədər komanda mərkəzindən idarə olunur. Beləliklə, “İsgəndər-M” komplekslərinə qarşı müdafiə dünyada praktiki olaraq mövcud deyil və təsadüfi deyil ki, Rusiya bu raketləri ABŞ-ın Avropada raketdən müdafiə sisteminə qarşı cavab kimi Kalininqradda yerləşdirib. Raketlərin Ermənistanda yerləşdirilməsi isə Azərbaycanın son illərdə öz silahlı qüvvələrini hədəfi dəqiq vuran raket sistemləri və düşmən raketlərinə qarşı ən yeni müdafiə kompleksləri ilə təchiz etməsinə cavabdır. Məlum olduğu kimi, Azərbaycan İsraildən raketdən müdafiə sistemini təşkil edən “Green Pine” radar kompleksi və “Barak-8” raketləri sifariş verib. Bu sistem mümkün müharibə zamanı Ermənistanın sərəncamında olan raketlərin hücumunu neytrallaşdırmağa imkan verir. “Barak-8” raketdən müdafiə kompleksinin texniki göstəriciləri məxfi saxlanılır, çünki İsrail hərbi sənayesinin ən yeni məhsullarından biridir. Bununla belə xarici qaynaqlarda göstərilir ki, “Barak-8” kompleksləri istənilən raket hücumunu dəf etmək imkanındadır və dünyada bu komplekslərin müdafiəsini yara bilən raketlər mövcud deyil.

Legion.az 







Xəbər lenti

img Günün xəbərləri
Azərbaycanda koronavirusa rekord sayda yoluxma qeydə alındı (RƏSMİ)

2020-06-02 / 18:47:20
img Dünya
Təyyarə ilə səyahətin şərtləri - Hava nəqliyyatı üçün sağlıq tövsiyyələri açıqlandı

2020-06-02 / 17:39:37
img Cəmiyyət
"Onlar bizim suallarımıza cavab verməlidir" - Vahid Əhmədov

2020-06-02 / 17:38:41
img Ölkə
Dərslər tədris ilinin sonunadək dayandırıldı - SƏRƏNCAM

2020-06-02 / 17:37:15
img Dünya
Putin səsverməni iyulun 1-ə təyin etdi - Təxirə düşən referendumun tarixi açıqlandı

2020-06-02 / 17:35:15
img Ölkə
Deputat: “Kim işdən çıxarılırsa, arxasından milyonlar çıxır”

2020-06-02 / 17:33:03
img Günün xəbərləri
Masallı rayon prokuroru işdən çıxarılıb

2020-06-02 / 17:32:08
img Cəmiyyət
Bərdədə anasını və bacısını amansızlıqla qətlə yetirən oğul təslim oldu

2020-06-02 / 15:24:06
img Cəmiyyət
Beyinin fəaliyyətini yaxşılaşdıran 3 SUPER-MƏHSUL

2020-06-02 / 15:01:54
img Sosial
İyunda 190 manat verilməyəcək - Rəsmi açıqlama

2020-06-02 / 14:58:16
img Ölkə
Maska taxmayanlara cərimə təsdiqləndi - MƏBLƏĞ

2020-06-02 / 12:58:36
img Cəmiyyət
“Baklift-2”nin sabiq rəisinin cinayət işi baxışa təyin edildi

2020-06-02 / 10:19:37
img Günün xəbərləri
Mehman Hüseynovda ağır xəstəlik tapıldı - XƏRÇƏNG...

2020-06-02 / 10:18:07
img Dünya
Nyu-York ştatında komendant saatı tətbiq olunur

2020-06-02 / 10:11:57
img Hadisə
Manat və dollar yeni günə bu MƏZƏNNƏ ilə başladı

2020-06-02 / 10:10:13
img Günün xəbərləri
Daha bir ölkə Azərbaycan üçün sərhədlərini açdı

2020-06-02 / 10:08:57
img Ölkə
İyun ayının qeyri-iş günləri AÇIQLANDI

2020-06-02 / 10:07:41
img Hadisə
Azərbaycanda pul nişanları yenilənir

2020-06-01 / 19:50:50
img Cəmiyyət
Karantin rejimində qalan tanınmışlar: “Koronavirus ən çox müğənnilərə zərbə vurdu”

2020-06-01 / 19:43:20
img Günün xəbərləri
Azərbaycanda 5 nəfər koronavirusdan öldü - daha 168 nəfər yoluxdu

2020-06-01 / 19:30:04
img Günün xəbərləri
Daha bir rayonun prokuroru işdən çıxarıldı - Kamran Əliyevdən yeni təyinatlar

2020-06-01 / 15:22:24
img Günün xəbərləri
İyunun 6-7-də buraxılış imtahanı keçiriləcək – QRAFİK

2020-06-01 / 15:18:14
img Dünya
Bu ölkələrdə koronavirus qeydə alınmayıb - SİYAHI

2020-06-01 / 15:16:47
img Günün xəbərləri
Hər bir məzun təhsil aldığı rayonda imtahan verəcək

2020-06-01 / 15:15:17
img Manşet xəbərləri
Deputatdan maska cərimələrinə ETİRAZ

2020-06-01 / 15:14:27

Bütün xəbərlər